ഇന്ത്യന്‍ വ്യോമസേനയില്‍ ഇപ്പോൾ അപേക്ഷിക്കാം

ഇന്ത്യന്‍ വ്യോമസേനയില്‍ ഫ്ളൈയിങ്, ടെക്നിക്കല്‍, ഗ്രൗണ്ട്ഡ്യൂട്ടി (ടെക്നിക്കല്‍ ആന്‍ഡ് നോണ്‍ ടെക്നിക്കല്‍) ബ്രാഞ്ചുകളിലായി എയര്‍ഫോഴ്സ് കോമണ്‍ അഡ്മിഷന്‍ ടെസ്റ്റിന് അപേക്ഷിക്കാം. എന്‍സിസി സ്പെഷ്യല്‍/മിറ്റിലറോളജി എന്‍ട്രി എന്നിവയിലേക്കും അപേക്ഷിക്കാം. 2021 ജൂലൈയില്‍ കോഴ്സ് ആരംഭിക്കും. ഫ്ളയിങ് ബ്രാഞ്ച് യോഗ്യത ഏതെങ്കിലും വിഷയത്തില്‍ 60 ശതമാനത്തില്‍ കുറയാത്ത ബിരുദം. പ്ലസ്ടുതലത്തില്‍ മാത്തമാറ്റിക്സ്, ഫിസിക്സ് പഠിക്കണം. അല്ലെങ്കില്‍ 60 ശതമാനത്തില്‍ കുറയാത്ത ബിഇ/ബിടെക്. പ്രായം 20–-24.
ഗ്രൗണ്ട് ഡ്യൂട്ടി (ടെക്നിക്കല്‍) യോഗ്യത എയ്റോനോട്ടിക്കല്‍ എന്‍ജിനിയര്‍ ( ഇലക്‌ട്രോണിക്സ്), എഇ(എല്‍), എയ്റോനോട്ടിക്കല്‍ എന്‍ജിനിയര്‍(മെക്കാനിക്കല്‍) എഇ (എം) എന്നീ വിഭാഗങ്ങളിലാണ് ഒഴിവുള്ളത്.
പ്ലസ്ടുവിന് മാത്തമാറ്റിക്സ്, ഫിസിക്സ് എന്നിവയില്‍ 50 ശതമാനത്തില്‍ കുറയാത്ത മാര്‍ക്കുണ്ടാകണം. കൂടാതെ എന്‍ജിനിയറിങ്/ടെക്നോളജിയില്‍ റഗുലര്‍ ബിരുദം അല്ലെങ്കില്‍ ബന്ധപ്പെട്ട വിഷയത്തില്‍ അസോസിയറ്റ് മെമ്ബര്‍ഷിപ്പ് ഓഫ് ഇന്‍സ്റ്റിറ്റ്യൂഷന്‍ ഓഫ് എന്‍ജിനിയേഴ്സ്/എയ്റോനോട്ടിക്കല്‍ സൊസൈറ്റി ഓഫ് ഇന്ത്യ നടത്തുന്ന പരീക്ഷ ജയിക്കണം. പ്രായം 20–-26.
ഗ്രൗണ്ട് ഡ്യൂട്ടി (നോണ്‍ ടെക്നിക്കല്‍) അഡ്മിനിസ്ട്രേഷന്‍, എഡ്യുക്കേഷന്‍ വിഭാഗത്തിലാണ് പ്രവേശനം. യോഗ്യത: അഡ്മിനിസ്ട്രേഷന്‍ പ്ലസ്ടുവും ഏതെങ്കിലും വിഷയത്തില്‍ 60 ശതമാനം മാര്‍ക്കോടെ ബിരുദാനന്തര ബിരുദം. പ്രായം 20–-26. 25 വയസ്സില്‍ താഴെയുള്ള അപേക്ഷകര്‍ അവിവാഹിതരാകണം. പരിശീലനകാലത്ത് വിവാഹിതരാകാന്‍ അനുവദിക്കില്ല. അപേക്ഷ സ്വീകരിക്കുന്ന അവസാന തിയതി ജൂലൈ 14.
🇮🇳 അക്ഷയ