സ്നേഹസ്പര്‍ശം
ചൂഷണത്തിന് വിധേയരായി അവിവാഹിത അവസ്ഥയില്‍ അമ്മമാരാകുന്നഅഗതികള്‍ക്ക് പ്രതിമാസ ധനസഹായം നല്‍കി പുനരധിവസിപ്പിക്കുക എന്ന ലക്ഷ്യത്തോടുകൂടി ആവിഷ്ക്കരിച്ചിട്ടുള്ള പദ്ധതിയാണ്സ്നേഹസ്പര്‍ശം. പ്രതിമാസം 1000/- രൂപ നിരക്കില്‍ ധനസഹായംഅനുവദിക്കുന്നു.
മാനദണ്ഡങ്ങള്‍
- ചൂഷണത്തിനു വിധേയയായി അവിവാഹിത അവസ്ഥയില്‍ അമ്മമാരായ വനിതകളായിരിക്കണം ഗുണഭോക്താക്കള്‍.
- നിലവില്‍ വിവാഹിതരോ ഏതെങ്കിലും പുരുഷനുമൊത്ത് കുടുംബമായി കഴിയുന്നവരോ ആയിട്ടുള്ളവര്‍ക്ക് ഈ ആനുകൂല്യം ലഭിക്കുകയില്ല.
- മറ്റ് പെന്‍ഷനൊന്നും ലഭിക്കുന്ന വ്യക്തിയായിരിക്കുന്നത്.
- എല്ലാവര്‍ഷവും ജൂണ്‍മാസം ഓരോ ഐ.സി.ഡി.എസ്. ബ്ലോക്കിലെയും ഗുണഭോക്താക്കളുടെ ലിസ്റ്റ് പ്രകാരമുള്ള ലൈഫ് സര്‍ട്ടിഫിക്കറ്റ് ശിശുവികസന പദ്ധതി
ആഫീസര്‍മാര്‍ കെ.എസ്.എസ്.എം. എക്സിക്യൂട്ടീവ് ഡയറക്ടര്‍ക്ക് നല്‍കേണ്ടതാണ്.
- 60 വയസ്സിന് താഴെപ്രായമുളള വനിതകളായിരിക്കണം ഗുണഭോക്താക്കള്‍.
- അപേക്ഷകള്‍ ബന്ധപ്പെട്ട ശിശുവികസന ഓഫീസില്‍ സമര്‍പ്പിക്കേണ്ടതും കൈപ്പറ്റ്
രസീത് വാങ്ങി സൂക്ഷിക്കേണ്ടതുമാണ്.
മാര്‍ഗ്ഗ നിര്‍ദ്ദേശങ്ങള്‍
- പോസ്റ്റോഫീസില്‍ അപേക്ഷകന്‍റെ പേരില്‍ അക്കൗണ്ട് തുടങ്ങി ലഭിച്ചിട്ടുള്ള പാസ്സ്
ബുക്കിലെ അക്കൗണ്ട് നമ്പരും അപേക്ഷകയുടെ അഡ്രസുമുള്ള പേജിന്‍റെ കോപ്പിഉള്ളടക്കം ചെയ്തിരിക്കണം.
- ആധാര്‍ കാര്‍ഡ് ലഭിച്ചവര്‍ ആയതിന്‍റെ ഫോട്ടോസ്റ്റാറ്റ് ഉളളടക്കം ചെയ്യണം. അല്ലാത്തവര്‍ ആധാര്‍ രജിസ്ട്രഷന്‍ സ്ലിപ്പിന്‍റെ ഫോട്ടോസ്റ്റാറ്റ് കോപ്പി ഉളളടക്കം ചെയ്യേണ്ടതാണ്.
- റേഷന്‍ കാര്‍ഡിന്‍റെപകര്‍പ്പ് ഉള്ളടക്കം ചെയ്തിരിക്കണം
- ജനനതീയതി തെളിയിക്കുന്നതിനുള്ള സര്‍ട്ടിഫിക്കറ്റ് ഹാജരാക്കണം.
- എല്ലാമാസത്തെയും അംഗന്‍വാടിവര്‍ക്കര്‍മാരുടെ പ്രോജക്ട് മീറ്റിംഗില്‍
സ്നേഹസ്പര്‍ശം പദ്ധതി അവലോകനം ഉള്‍പ്പെടുത്തേണ്ടതും ഗുണഭോക്താക്കളില്‍ മരണപ്പെട്ടവരുടെ ലിസ്റ്റ് അംഗന്‍വാടി വര്‍ക്കറില്‍മാരില്‍ നിന്നും നിശ്ചിതമാതൃകയില്‍ശേഖരിച്ച് 15–ാം തീയതി ക്കുമുമ്പ് ശിശുവികസന പദ്ധതി ഓഫീസര്‍ കേരള സാമൂഹ്യ സുരക്ഷാമിഷന്‍ എക്സിക്യൂട്ടീവ് ഡയറക്ടര്‍ക്ക് അയയ്ക്കേണ്ടതുമാണ്.
- ഗുണഭോക്താവ് മരണപ്പെടുകയോ/വിവാഹിതയാകുകയോ , 60 വയസ്സ് പ്രായപരിധി
കഴിയുകയോ സര്‍ക്കാരിന്‍റെ മറ്റ് ക്ഷേമപെന്‍ഷന്‍ ലഭിക്കുകയോ ചെയ്യുകയാണെങ്കില്‍വിവരം 15 ദിവസത്തിനുള്ളില്‍ ശിശുവികസന പദ്ധതി ഓഫീസര്‍ കേരള സാമൂഹ്യസുരക്ഷാ മിഷന്‍ എക്സിക്യൂട്ടീവ് ഡയറക്ടറെ അറിയിക്കേണ്ടതാണ്.
അപേക്ഷിക്കേണ്ടവിധം
അപേക്ഷാഫോറം ബന്ധപ്പെട്ട സാമൂഹ്യനീതി ഓഫീസില്‍ നിന്നും സാമൂഹ്യ സുരക്ഷാമിഷന്‍റെ വെബ്സൈറ്റ്/ഓഫീസില്‍ നിന്നും ലഭ്യമാണ്. അപേക്ഷ ആവശ്യമായ രേഖകള്‍ സഹിതം ബന്ധപ്പെട്ട ശിശുവികസന പദ്ധതി ആഫീസര്‍/ ജില്ലാ സാമൂഹ്യനീതി ഓഫീസര്‍ക്ക് നല്‍കേണ്ടതാണ്.
അപേക്ഷാ ഫോം ഡൗൺലോഡ് ചെയ്യുന്നതിനായി ഇവിടെ ക്ലിക്ക് ചെയ്യുക.
ആശയവിനിമയ വിലാസം
എക്സിക്യൂട്ടീവ് ഡയറക്ടര്‍,
കേരള സാമൂഹ്യ സുരക്ഷാ മിഷന്‍,
രണ്ടാംനില, വയോജന പകല്‍ പരിപാലന കേന്ദ്രം,
പൂജപ്പുര, തിരുവനന്തപുരം – 695012
Ph- 0471-2341200, 2346016 (FAX)